繼續同史友們探討一啲有趣嘅歷史謎題，相信史友們對武則天都唔會感到陌生，曾經係唐太宗李世民嘅才人，後來成為唐高宗李治嘅皇后，武則天喺唐高宗李治死後就掌握皇權並且成為中國第一位正統嘅女皇帝。咁既然佢都已經順利稱帝，咁點解佢又會喺離世前將帝位傳返畀李家嘅人而唔係傳畀武家呢？
喺歷史上武則天確實係有一位侄子武三思，佢因為係武則天嘅關係而受到重用，由右衛將軍累進至兵部、禮部尚書，監修國史，喺武則天稱帝之後就大封武姓宗族為王，武三思就被封為梁王，賜實封一千戶，可以話係位高權重。對於將帝位傳畀武家嘅人，武則天其實並唔係冇諗過，而武三思亦都多次想武則天傳太子之位畀自己，但當時狄仁傑就畀出咗一句「陛下是兒子親還是侄子親呢」，結果好快就令武則天打消呢個念頭。
呢句說話背後嘅意思正係，如果武則天將皇位傳畀武家，咁自己就會喺歷史上留下罵名，宗廟當中亦都唔會有人供奉，但假如帝位重新傳畀自己嘅兒子李顯，雖然姓氏唔同，但血脈聯繫就係無法改變。就咁呢句說話，令到武則天決定將江山交還畀李氏。
原圖嚟自網絡