最近部分立法會議員北上考察後，就話內地無軌電車技術發展成熟，仲話可以引入香港咁話。
無軌電車技術可以話推陳出新，其實响幾十年前內地一啲城市已經使用，連香港都曾經研究過，因為無軌電車用電就減少咗汽車廢氣。响廣東，廣州就係唯一一個有無軌電車系統嘅廣東省城市。其實早响1915年，廣州就有計劃修建無軌電車系統，不過當時局勢混亂，所以多年來都無落實。直至1960年，廣州無軌電車先開始營運。廣州嘅無軌電車系統，其實就係一架接駁咗電纜嘅巴士，而廣州嘅無軌電車就响海印橋、中山八路、天平架、文化公園、南田路等地運行，即係今日廣州嘅老城區，而越秀公園附近電車線路就最多，因為果一段係廣東省政府同市政府所在地附近。
時至今日，無軌電車仍然响廣州市運行，仲有成14條路線，可以話係老廣州一種風情，雖然啲電車都已經換晒新嘅一批。
原圖嚟自網絡