提起「敦煌女兒」呢個稱呼，可能唔少史友都曾經聽過，而近日敦煌女兒樊錦詩就向北大捐贈1,000萬元，特設樊錦詩教育基金，支持北大敦煌學相關的學術研究、人才培養、國際交流，真係相當之有心。
咁到底樊錦詩一生做過啲咩事而令佢被稱為「敦煌女兒」？早喺60年前，畢業於北大歷史學系考古專業嘅樊錦詩就由北大前往西北大漠，自此就開啟咗為敦煌石窟文物事業奔走大半生。喺當年佢岩岩去到敦煌石窟之時，最大嘅感覺就係「見到一個窟就說好啊，再看一個還是好啊」。雖然當時講唔出有幾大價值，但幾十年間佢走遍莫高窟每一個洞窟，看遍每一幅壁畫，將敦煌文化遺產保護、研究、管理工作當成終身事業。
敦煌學被稱為「國際顯學」，喺1987年，莫高窟被批准列為中國首批世界文化遺產，當中申遺申報材料全由樊錦詩手寫，今時今日嘅一系列保護條例亦都係由佢推動，所以佢堪稱「敦煌女兒」。
原圖嚟自網絡