當考古技術愈來愈發達嘅時候，到底又會為人類帶嚟啲咩改變呢？近日就有一項新嘅考古技術，破天荒咁喺一個距今兩萬年前嘅鹿牙吊飾上分離出人類DNA，阿史今次就同大家講一講啦！
據英國科學雜誌《自然》介紹，呢次發現嘅飾物原本係由一名生活喺 1.9萬年至2.5萬年前嘅古代北歐亞人女性持有，考古團隊就通過一項新嘅DNA提取技術從中分離出人類DNA。呢種技術犀利之處係可以分離存於皮膚細胞、汗液或其他體液嘅DNA，而呢類DNA多數都係古人喺處理某啲多孔物料包括骨頭、牙齒和象牙時留下。而今次發現嘅鹿牙吊飾就係喺俄羅斯西伯利亞阿爾泰邊疆區丹尼索瓦洞穴出土，但就暫時未知道呢件吊飾係咪由呢位女士製作。
喺呢種新技術出現後，考古團隊就認為可以揭示史前社會角色、兩性之間勞動分工，甚至仲可以令到一啲已經滅絕嘅人類重新得到注視。
原圖嚟自網絡