對粵港兩地港九大隊老戰士、佢哋嘅後人以至香港市民而言，昨日係一個相當重要嘅日子，事關正正就係劉春祥抗日英雄群體紀念碑揭幕儀式嘅重大日子。劉春祥抗日英雄群體紀念碑唔止止係繼斬竹灣、烏蛟騰之後，香港第三座大型抗戰紀念設施，同時亦係香港首次為列入國家級紀念名錄嘅抗日英烈立碑。
提起劉春祥呢位人物，相信史友們都略有耳聞。喺1943年5月，港九大隊大嶼山中隊隊長劉春祥帶領六名班排骨幹，由大嶼山東涌乘帆船出發前往屯門龍鼓灘途中，不幸遭到兩艘日軍炮艇伏擊。雖然劉春祥臨危不懼並且同日軍戰後激戰，但最終劉春祥所在嘅船隻都係被擊敗，船上嘅劉春祥、曾可送、林容、汪送、譚金火、溫發、劉佳等七名指戰員，以及船家梁克夫妻二女一子全家五人壯烈犧牲。
呢段80年前嘅歷史正正就係講明東江縱隊港九大隊戰士們喺香港浴血奮戰，保家衛國，抵禦外侮嘅不屈精神，絕對值得大家深入認識。
原圖嚟自網絡