最近美國政府將2件重要石刻文物交還俾中國，唔少內地同胞都話國家近年响收回流失海外文物嘅工作做得好好，包括今次。响過往中國積弱，唔少珍貴文物都被外國人運走咗去外國，原來中國國寶熊貓都一樣。
响上世紀三十年代，美國人露絲為咗完成佢老公生前遺願，於是到咗中國。佢老公有乜遺願呢﹗就係要找隻熊貓。因為自十九世紀末，歐美掀起咗熊貓熱，活捉熊貓成為好多外國買險家嘅諗法。响1936年，露絲到咗中國，响華裔美國人楊昆廷幫助下，組建咗一支20人嘅探險隊，去四川尋找大熊貓。但係探險隊搵咗兩個月都搵唔到熊貓，後嚟搵到又捉唔到，就响個陣咁啱俾露絲發現咗一個幼年熊貓，露絲就咁成功捕獲野生熊貓，改佢個名做蘇琳。
後嚟露絲將熊貓帶返美國，响同中國海關申報時就寫呢隻係一隻「哈皮狗」，就係咁，中國熊貓偷運咗出境，去到美國之後露絲以8750美元將熊貓轉讓咗俾芝加哥一間動物園。
原圖嚟自網絡