早排就同史友們介紹咗喺強大鑄鐵技術加持之下嘅魏武卒以及秦銳士到底有幾強大，今次阿史就再同大家講下戰國四大強軍之—嘅趙邊騎。
咁到底點解趙國喺咁多兵種當中要挑選騎兵嚟發展呢？其實喺韓、趙、魏三家分晉之時，韓、魏都係取得中原富庶之地，三家當中最弱嘅趙國就只係得到苦寒之地，而且北面仲有強悍嘅匈奴，同時又要面對東胡人、林胡人嘅騷擾，國家係相當難以運行。
為咗解決呢種困境，趙武靈王就打破咗中原地區戰法嘅傳統，結合咗胡人特點，決定將步射以及騎戰結合成騎射，並且因應騎射所需嘅短衣窄袖而改良埋全國嘅衣服，呢個舉動就係史稱嘅「胡服騎射」。喺一系列改革之下，呢支騎射兵仲將北方胡人納入埋自己管轄範圍，喺馬源充足嘅情緒下，趙邊騎就成為相當恐怖嘅戰力。
喺趙武靈王改革下，趙邊騎就先後消滅咗中山國、以少勝多打敗齊國技擊之士，甚至喺閼與之戰令到秦銳士大敗，死傷人數達到十萬，就連匈奴都唔係趙邊騎嘅對手。憑住趙邊騎，趙國成為魏、齊之後實力第三強勁嘅國家，只係後來喺沙丘之亂、長平之戰、邯鄲之戰相繼失利，先至令到國力衰退，繼而沒落。
原圖嚟自網絡