繼續同史友們介紹世界各地最新嘅考古發現，麵包今時今日已經係大家日常都會食到嘅食品，但到底呢種食品有幾耐歷史呢？近日亞美尼亞一個考古發現就畀到啲提示大家。
近日考古團隊就喺亞美尼亞搵到一個3000年歷史麵包店，據考古團隊發掘研究之下，就確認遺址原本係公元前11世紀末一直使用到公元前9世紀初嘅一個公共建築，後來先加入多個烤爐而轉型為麵包店，最終可惜燬於一場火災。由此推斷呢個麵包店至少已經有3,000年歷史。
搵到一間歷史咁悠久嘅麵包店本來已經好驚喜，但原來喺當中考古團隊仲搵到唔少古代麵粉。原來考古人員只係以為呢啲粉狀物係火災過後嘅痕跡，但點知經過對比材料測試先發現係麵粉，而且曾經嘅儲存量係多達3.5噸，但目前就只有部分保存到落嚟，真係相當誇張！
原圖嚟自網絡