相信史友們都知道珠穆朗瑪峰所在嘅青藏高原係由印度洋板塊向亞歐板塊俯衝碰撞之後形成，而兩塊板塊之間曾經就存在過一個名為特提斯洋嘅海洋，所以唔少海底嘅沉積物都被留喺呢個昔日嘅海洋之上，時至今日喺珠峰之上仍然不時會有海洋生物嘅化石被發現。
以往最常被發現嘅多數都係三葉蟲以及貝類嘅化石，但近日第二次青藏高原綜合科學考察舉行，科研人員就喺珠穆朗瑪峰地區發現新嘅喜馬拉雅魚龍化石！呢種魚龍係一種已經滅絕嘅中生代海生爬行動物，早喺恐龍稱霸地球之時就已經係海上嘅霸主。而喺上世紀60年代，我國嘅科研人員就曾經採集過兩件魚龍化石標本，由嘴長、牙齒鋒利，身長10余米嘅外形就可以瞭解到呢種生活喺二億一千萬年前嘅生物有幾咁兇猛。
而今次嘅新發現就更加深化青藏高原迄今已知最龐大史前動物嘅科學認知，並且有助科學家對該地區中生代生命演進研究。
原圖嚟自網絡