尋日就同史友們探討完「李廣難封」嘅典故，作為一代名將而言有個咁樣嘅結局都真係幾令人悲哀。咁到底喺漢朝嘅制度而言，係純粹「李廣難封」定還是所有軍人想封侯晉爵都係咁困難呢？
喺漢朝嘅軍功爵位而言，一共就有四個唔同等級分別係侯級爵、卿級爵、大夫級爵以及小爵，而喺侯級爵當中又會分為關內侯以及列侯兩種，只要軍人可以成為列侯，就等同既有封邑，又有封國，意味住正底由平民成為皇室宗親，係真真正正改變命運。
咁到底要達到呢種高度又係咪真係咁困難呢？喺漢朝軍功制度當中，只有四種方式可以達到封侯標準，分別係一、斬殺俘虜敵方高級將領；二、率部斬敵首級過千；三、為勝利做出重大貢獻；四、父親立功而死，兒子亦可獲封。
以上標準聽落就好似唔難，但喺《史記》、《漢書》中統計，漢武帝時期真正因為軍功封侯嘅只有二十四人。抓捕造反者立功封侯就只有九人，而因為父親立功戰死而封侯就有二人。喺呢套軍功制度之下，軍人想封侯晉爵就唔係話冇可能，但就真係需要啲運氣！
原圖嚟自網絡