隨住神舟十六號載人飛船喺昨日上午成功升空之後，呢次任務嘅指令長景海鵬就成功打破咗一項歷史，就係成為我國史上第一位四次上太空嘅中國人。
景海鵬出生喺1966年嘅山東運城農家，佢自幼刻苦努力學習，成積一直都名列前茅，可能佢都冇諗過，知識竟然可以將命運改變到咁樣嘅程度。喺高中嘅時候，佢就因為喺學校校報欄見到一個同佢同姓名嘅飛行員相片，隨即就萌生出自己都要成為飛行員嘅夢想。
有咗呢個諗法之後，佢就喺1985年通過咗身體以及文化考核，如願入讀空軍學校。佢畢業之後就先係曾駕駛「殲-6」等機型，安全飛行1,200小時，佢所創下嘅駕機打曲線空靶紀錄至今未被打破。而喺1996年，佢就被當局挑選成太空人，經過一輪輪嘅考核成功喺1500名飛行員當中脫穎而出，與楊利偉、聶海勝、翟志剛等共14人成為同期嘅太空人。
景海鵬「首飛」就係2008年神舟七號任務，佢係作為第一個出艙「太空漫步」嘅中國人，其後佢亦都喺2012年搭檔劉旺、劉洋執行神舟九號任務以及神舟十一號任務。對於頭三次進入太空，佢形容係「激動」、「幸福」、「享受」，而為咗呢次機會，佢就用咗七年時間持續訓練，佢就認為呢次機會係榮幸。
原圖嚟自網絡