澳門大三巴唔係牌坊？

大三巴、觀音像、媽閣廟景緻真優美！」講到去澳門，相信唔少香港人除咗會去各大賭場外，都會去澳門大三巴睇下影下相。大三巴牌坊係世界文化遺產，馳名中外，之不過，大三巴牌坊本身其實唔係一個牌坊。

大三巴牌坊，本身係聖保祿教堂嘅一部分，呢個教堂附屬於聖保祿學院，呢間學院成立於1594年，係當時遠東地區第一所西式大學，目的就係培養傳教士，再到亞洲各地區傳教。至於聖保祿教堂就係响1602年開始修建。不過，1835年，聖保祿學院同聖保祿教堂响一場大火被燒毀，燒剩教堂正面前壁，呢塊剩返嘅前壁因為似中國傳統牌坊，所以就被人稱為大三巴牌坊喇！

講開澳門，當然要講下澳門個名點嚟。相傳葡萄牙人去到澳門時，去到媽閣廟附近，問當地人呢個地方叫乜名，當地人答：「媽閣」，所以澳門就叫做Macau喇！不過，阿史就聽講另一版本，話當地人講嘅係另一個答案。至於係乜？哈哈哈哈！