「食碗燒鵝瀨最正確，來到東莞啊！」唔知史友們仲記唔記得李家仁醫生幾年前唱過首《小明去東莞》，提及到燒鵝瀨粉。

早兩日介紹過米粉，其實香港人成日食嘅河粉同瀨粉，製作原理都係差唔多，都係以稻米榨條而食。响珠三角一帶，唔少地方都以燒鵝聞名，好似新會古井、東莞厚街，以至香港深井咁，亦係廣東燒臘嘅主要菜色之一。不過，傳說就話燒鵝最初係南宋時由江南傳入，當時宮廷御廚跟隨宗室走難嚟到廣東，之後就將燒鵝製法帶埋嚟。至於孰真孰假，真係自己諗喇！