葡國菜馬介休

有時去開澳門食葡國菜，都總會見到一樣食材叫「馬介休」，初時見到就咁睇個名真係唔知咩嚟，食落就知係一種魚。而家馬介休有好多種唔同煮法，例如薯絲馬介休、燒馬介休、白烚馬介休、馬介休炒飯等等。

「馬介休」呢個名係源自葡萄牙文Bacalhau，係一種由鱈魚經鹽醃製嘅食品。馬介休係源自五百幾年前，有班葡萄牙船員出海經過挪威海果陣遇見一群鱈魚群，令佢哋收穫豐富，為咗將啲魚保鮮，佢哋諗到個方法就係用鹽將鱈魚醃製，結果竟然擺咗一兩年都無變壞，食用之前浸水，食落仲好好味。由於葡萄牙响十四十五世紀航海事業發達，馬介休亦成為遠洋航行時一種嘅船上儲f糧。