好多香港人過澳門都會買返啲手信，杏仁餅就係其中一種受歡迎嘅手信喇。杏仁餅相傳就係源自清光緒末年嘅香山縣，即係而家嘅中山，當時有一個家道中落嘅書香世家，老夫人擺大壽，但係又無錢，嗰家人有個好聰明嘅自梳婢女，就用咗綠豆粉同用糖醃製過肥豬肉片整成夾肉餅，俾老夫人同埋嚟賀壽嘅親友食，入口甘香鬆化、肥而不膩，個個都話好食。

杏仁餅最初係無杏仁嘅，點解叫做「杏仁餅」呢？係因為外形似，同埋食落有少少杏香，所以得名「杏仁餅」。依家啲餅家自己都會研發出用唔同材料整成嘅杏仁餅，就例如有不含豬肉成份嘅素杏仁餅。


杏仁餅無杏仁，菠蘿包無菠蘿，乜嘢玩法！