早兩日講起安史之亂，令阿史諗起唐玄宗其中一位宰相李林甫嘅軼事。《新唐書》入面記載，曾經有位大臣上書稟報政事，結果被貶官，李林甫就向其他朝中大臣講咗一個比喻，話明主在位，做臣子嘅順從都嚟唔切，仲有咩要上奏？你哋唔見儀杖隊嘅馬平時粒聲都唔出，就可以食到三品飼料，但只要佢哋喺隊入面叫咗一聲，就會被視為不受管教，會即刻被換走。班大臣聽到呢個比喻之後，當堂唔敢再上奏諫言。

李林甫份人平時成日講好說話俾唐玄宗聽，深得皇帝歡心，李林甫做宰相做咗19年咁耐，佢為人忌才，不時打壓有才幹嘅官員，最終令中央人才凋零、政治日壞，埋下日後唐室衰落、爆發安史之亂嘅伏線。

P.S.阿史好想搵返江華套《楊貴妃》嘅李林甫，不過搵極都無，只能用其他。圖片嚟自網絡。