中國古代四大美人之中，「閉月羞花」中嘅貂蟬為虛構人物，但大眾對佢嘅認識同關注都不下於其他幾位靚女。

《三國演義》中，貂蟬係東漢末年司徒王允嘅歌妓，出場嘅主要目的係運用美人計離間董卓同呂布。據講佢聽到義父王允受國事纏繞，於是去到花園，對月亮禱告，點知月亮見到貂蟬嘅美貌，居然自覺不及，要匿埋响雲朵之後，遮住自己，因此貂蟬被認為有「閉月」之貌。講返少少正史，《三國志》中記載，呂布同董卓嘅婢女私通，但呢個婢女並唔係貂蟬。

除咗主流認為嘅貂蟬，另外都有版本話「閉月」指嘅係漢成帝嘅皇后趙飛燕。相傳趙飛燕體態輕盈，甚至可以跳掌中舞。正史記載，趙飛燕入宮之後，夾埋妹妹趙合德KO咗許皇后同班婕妤，最後登上皇后寶座，母儀天下。話時話，大家覺得邊個比較適合位列四大美人？

圖為劉亦菲飾演貂蟬嘅劇照。網絡圖片