話說1911年武昌起義之後，各個省份陸續宣佈獨立，孫中山同年12月被選為中華民國臨時大總統。1912年元旦，孫中山前往南京就任。當佢宣誓同公佈施政方針後，南京北極閣、獅子山炮台各鳴炮21響，賀一賀佢。新一年，自然有一番新氣象。

孫中山上任之後，推行咗一系列法令，廢除包括留辮、纏足及跪拜等具有封建色彩嘅習俗，推動社會改革同進步。法令仲包括更改服飾同稱呼，依家大家互相稱呼可以好隨意，不過當時係反映咗嚴格嘅社會制度同地位不平等，孫中山下令官員之間用職位互相稱呼，而大人、小人、主人、奴才等字眼通通out。

圖為孫中山準備搭專列火車到南京就任、宣誓誓詞及內閣第一次會議。網絡圖片