今次繼續講埋七位甲級戰犯之一、有「緬甸屠夫」之稱嘅木村兵太郎。喺1939年之前，木村係炮兵專家，專門負責提高日本火炮殺傷力。佢喺1939年晉升為中將，又率領八千多名日軍掃蕩位於魯南（山東南部一帶）嘅抗日根據地，遭到八路軍以游擊戰重創。面對戰事不利，木村兵太郎將怒火發洩喺無辜平民身上，血腥屠殺百姓，又捉啲百姓去「新華院集中營」做苦工。

喺1940年，木村調任關東軍參謀長，負責對付東北地區嘅抗日武裝。四年後佢調任駐緬甸方面軍司令官，喺一次同中國遠征軍作戰嗰陣，有大半日軍無命，佢再次遷怒民眾，製造咗仰光大屠殺血案，於是得到「緬甸屠夫」惡名。日本戰敗之後，木村由仰光被押送返日本受審，其後被遠東國際軍事法庭判處絞刑，亦係1948年12月23日最後一位被處決嘅日本甲級戰犯中。

原圖嚟自網絡。