做皇帝好多人想，一旦做咗皇帝就意味住有至高無上嘅權力，仲有數之不盡嘅財富同美女。但在位時間得20分鐘嘅皇帝，唔知你哋又想唔想試吓？阿史講緊嘅呢位皇帝，就係法國嘅路易十九。

路易十九係查理十世之子、路易十五嘅曾孫，曾經喺威靈頓公爵軍中效力。拿破崙被流放之後，路易十八返巴黎復位，1824年，路易十八一病不起，由於無仔女，王位就由67歲嘅弟弟查理十世繼承。不過查理十世登基後推行一系列反民主政策，引起人民嘅強烈不滿。

1830年，法國爆發七月革命，查理十世被推翻，議會選出奧爾良公爵路易·菲利浦為王，不過因為查理十世當時嘅合法繼承人係路易十九，直接由路易·菲利浦繼位唔啱規矩。於是，無仔女嘅路易十九就被推咗出嚟，先繼承皇位，再將皇位傳俾路易·菲利浦。而成個交接儀式，即係兩次簽字之間只係用咗大概20分鐘，所以路易十九只係做做唔夠半個鐘皇帝，就被流放到去英國，可以話係全球最「短命」嘅皇帝。據講，路易十九喺簽字嘅時候曾經哀求在場嘅革命者：「至少都俾我統治一個鐘吧」。結果佢得到嘅答案是：「憑你？無可能！」

圖為路易十九畫像及描述七月革命嘅作品，原圖嚟自網絡。