喺清末、19世紀末嘅時候，日俄兩國對中國東北地區虎視眈眈。1895年，日本先喺中日甲午戰爭中獲勝，迫使清政府簽訂《馬關條約》，割讓遼東半島。俄方梗係好不滿，聯同法國、德國，迫日本歸還遼東半島俾清政府。到咗1900年，俄國趁住八國聯軍鎮壓義和團嘅時候，出兵侵佔中國東北全境，但西方列強好似英國、德國同美國為咗制衡俄國，就慫恿或支持日本對俄開戰，最終導致日俄戰爭爆發。

日俄戰爭當中，最大嘅一場戰役要數到1905年2月爆發嘅奉天會戰，雙方交戰兵力共約60萬，俄軍33萬對日軍27萬，俄軍傷亡9萬幾人、日軍傷亡7萬幾人，最後日軍侵佔奉天，宣布獲得勝利。最後喺美國總統老羅斯福調停下，日俄於同年9月簽署《樸茨茅斯條約》，俄國將遼東半島同南滿鐵路租借權移讓給日本，又承認朝鮮係日本勢力範圍。

原圖為俄方軍隊，取自網絡。