喺國共內戰戰敗之後，當年有唔少國民黨機構同資產都撤到嚟香港，而且數量驚人，內地同台灣之間對於呢啲機構同資產發生激烈嘅爭奪戰，當中就包括一艘叫「永灝」號嘅油輪。

「永灝」號係由日本喺40年代建造，係當時最先進嘅遠洋油輪，但後來被美軍炸沉咗。喺二戰結束之後，日本就將永灝撈返上嚟送俾國民黨，而國民黨就將佢送去香港黃埔船廠修理。但到咗50年代初，因為韓戰爆發，英國就唔想油輪落入內地手中，竟然發出政府徵用令去收船，「冷手執個熱煎堆」。

原圖為黃埔船塢，取自網絡。