上次講到民國歷史，提起袁世凱同《二十一條》嘅時候，提到日本要求繼承德國喺山東嘅利益，但其實德國喺山東到底有咩利益呢？一切要由1897年11月發生嘅「曹州教案」講起。

喺當年11月，山東曹州府巨野縣張家莊一間教堂兩名德國傳教士被殺死。咁兇手係邊個？普遍有兩個講法，其中一個講法就話係反洋教組織人士，另一個講法就話係被劫匪殺死。不過當時德國當局借題發揮，一口咬定係反洋教人士所為，派兵強佔膠澳，迫使清廷响1898年3月6日簽訂《膠澳租借條約》，租借膠澳99年，後來德王威廉二世將膠澳新市區命名為「青島」。

其後喺第一次世界大戰期間，日本提出《二十一條》，以及戰後巴黎和會上日本企圖繼承德國喺山東嘅利益，觸發中國五四運動爆發，阻止日本染指青島。

圖片為舊時嘅青島，取自網絡。