中國同盟會1905年成立之後，孫中山喺廣東同西南地區策劃咗多次武裝起義，1910年廣州新軍起義之敗之後，孫中山同同盟會嘅主要成員開會，檢討失敗教訓之後決定再次集中力量，喺廣州再發動多次武裝起義。會後，孫中山到各地籌款，由黃興、趙聲等同盟會領導人策劃起義。不過依次黃花崗起義嘅結果非常慘痛……

革命黨人原本計劃兵分十路攻下廣州，後因為形勢有變，改為分四路喺1911年4月27日起義，但最終只有黃興一路人馬有所行動，百幾人進攻兩廣總督署。兩廣總督張鳴岐收到風就早一步起佬，去咗廣東水師提督府搬救兵。黃興一行人去到總督署搵唔到張鳴岐，就放火燒咗總督署，點知喺離開嘅時候撞正張鳴岐一班人，結果有86人當場犧牲或者被捕處決，清廷之後將佢哋屍體放喺街上示眾。其中一名革命黨人潘達微以記者身份，冒死搵到當中72具烈士嘅遺體，安葬喺黃花崗，成為廣州現今著名地標之一。

圖片為黃花崗七十二烈士墓、其中三名烈士，取自網絡。