國民政府北伐期間，喺1928年5月1日取下山東濟南，日軍以保護僑民為名乘機發難，企圖阻止北伐，並派兵進攻濟南。喺5月3日，日軍攻佔郵政局、電報局，七千幾名中國軍人繳械。日軍又攻入山東交涉署，用殘酷手段對待交涉員蔡公時：割耳鼻及挖眼，最後蔡公時同另外16名交涉署職員被綁埋一齊，用機槍射死。之後日軍喺城內肆意放火搶掠、殘殺無辜、姦殺婦女，造成六千多名軍民死亡、1700幾人受傷，史稱濟南慘案或五三慘案。

面對日軍暴行，蔣介石下令「忍辱負重，不准抵抗」，命國民革命軍繞道繼續北伐，並派人同日方進行外交交涉。日軍實行一輪狂轟濫炸之後，最後坐低談判，雙方達成協議，日軍從山東撤兵，但對賠償部份拋諸腦後，令一條條寶貴嘅生命無辜被殺。

圖為日軍殘殺賣糖果兒童，取自網絡。