之前講過有位前輩提過中英兩國响1984年12月19日簽署《中英聯合聲明》，今日再講多少少。話說雙方簽完份聲明之後，第二年嘅第六屆全國人民代表大會成立基本法起草委員會，喺同年7月1日，基本法起草委員會召開第一次會議，計劃用5年時間草擬基本法，並且委託香港嘅委員籌組諮詢委員會。

前輩提到，基本法諮詢委員會當年做過唔少諮詢工作，亦都是香港有史以嚟時間最長、規模最大嘅諮詢，包括响1986年同1987年多次安排內地嘅起草委員嚟香港聆聽意見，以及設立會見市民制度。當年諮詢委員會打開門，市民可以去諮委會嘅秘書處表達意見。

截至1987年年底，諮委會一共提出咗15份初步報告、57份最後報告，俾起草委員會參考。响1988年同1989年，起草委員會先後發布基本法徵求意見稿同基本法草案，兩次都印咗過百萬份文本派發，俾市民發表意見，並製成基本法最終版本。。經過四、五年草擬同諮詢之後，基本法最後喺1990年4月4日通過，成為香港最重要嘅憲制性文件。

原圖取自網絡。