之前提起1840年，英國海軍少將懿律率領艦隊嚟到中國，要求清廷歸還收繳嘅鴉片或者賠償、割讓島嶼等，觸發第一次鴉片戰爭。不過原來當時清廷對英國可以話係無咩理解，道光之後仲問過好幾條問題，包括新疆陸路係咪去到英國、維多利亞女王結咗婚未，搞到阿史錯曬fo：唔通道光想娶維多利亞？

根據《清實錄》記載，响道光二十二年（1842年），道光皇帝多次追問大臣有關英國嘅事，包括英國喺邊、英國有幾大、有幾多屬國（殖民地）、同俄羅斯有否接壤、有無陸路去到新疆等。除此之外，道光亦對維多利亞嘅感情狀況好有興趣，追問當時只有22歲嘅維多利亞點樣成為一國之主、有無結婚、丈夫係咩人兼做咩職位等等。問埋咁多人哋嘅私隱，唔通道光係想「知己知彼，百戰不殆」？

圖為《萬凰之王》劇照，取自網絡。