聽聞線面會痛到飆眼水，唔知有無女史友試過呢？資料話線面可以「線」走面上嘅汗毛，令汗毛慢慢變幼、皮膚變白滑，仲可以收細毛孔添。相傳線面嘅由來可以追溯到隋煬帝年代，當時隋煬帝成日搶民女入宮，於是有人用線面嘅方法，將自己個女面上嘅汗毛清走，再塗脂抹粉咁假扮做城隍廟嘅娘娘神像，用嚟躲避官兵檢查。後嚟其他人得知之後亦爭相仿效，令呢門手藝得以傳揚開去。更加有傳聞話，清朝嘅慈禧太后貪靚，日日都要線面以保持皮膚滑溜，於是線面就慢慢喺民間興起，流傳至今。

線面曾經喺潮汕、閩南、台灣一帶盛行，後嚟傳到廣東、廣西同香港。以前線面仲有「開運」、「好運」等意頭，所以多數由「好命婆」或者「梳頭婆」負責。不過，線面呢門手藝喺香港已經好少有人識，想試都未必咁容易搵得到。

原圖嚟自網絡。