上次講起義和團排洋，最終清廷向西方列強宣戰，觸發八國聯軍入侵中國，其實當其時發生咗一宗趣事。話說喺1900年6月，慈禧太后準備同西方列強開戰，於是清廷宣布同各國斷絕外交關係。曾任駐俄使臣嘅吏部侍郎許景澄，受命通知外國使節24小時內離開北京，呢個時候，一向對義和團無咩好感嘅光緒皇帝情急之下，捉住許景澄隻手，細細聲咁講「更妥商量」，希望再商量吓先，證明光緒對打仗係幾無信心。

慈禧見到呢個情況，就覺得好不滿，叫皇上放手，「毋誤事。」光緒又點鬥得贏慈禧？過咗幾日清廷就正式向列強宣戰，最後聯軍攻入北京，搞到慈禧、光緒同少數隨從落荒而逃。

原圖取自網絡。