之前提過1841年第一次鴉片戰爭期間，清廷將領奕山不敵英軍，被逼支付600萬贖城費嚟換返廣州，當中部分金額係由廣州商家同富豪所出。幾日之後，廣州發生「三元里抗英」事件，一班三元里民眾自發抵抗，希望逼英軍撤退。

英軍其實喺當年嘅5月炮擊廣州城，入城之後去到三元里一帶搶劫財物、調戲婦女，令當地民眾非常憤怒。三元里同附近鄉村集結過萬名民眾，佢哋拎起大刀、長矛、長棍、鋤頭等原始武器，圍攻同襲擊英軍，咁啱呢個時候落大雨，搞到英軍啲槍炮都唔用得，之後仲越嚟越多民眾聚集聲援。

英軍增援部隊後嚟到場，救出被圍困嘅同袍。英軍見到群情淘湧、勢色唔對，於是乎就由廣州徹退到虎門，而事件中就造成十多名英軍死傷。

原圖取自網絡。