喺第二次大戰期間，重慶响1941年6月發生隧道慘案，導致過萬名民眾窒息死亡。當晚6點幾，日本軍機分三批突襲重慶，大批民眾荒忙走避。由於情況緊急，民眾無根據原訂計劃走去指定嘅防空洞避難，而係走咗去最近嘅防空洞，點知管理隧道口嘅憲兵鎖緊圍欄，禁止民眾响轟炸期間離開隧道，加上缺乏通風設備，結果釀成慘劇。

一開始隧道管理人員無檢查同核對憑證，任由民眾湧入隧道內。因為國民黨防空司令部未為隧道內嘅通風同發電設備驗收，所以兩款機器機都處於關閉狀態，無幾耐洞內嘅人開始呼吸困難，搏命想衝出去，呼叫同哭喊聲此起彼落，洞口附近嘅人就因為躲避轟炸想，造成混亂及人踩人慘劇。而喺日軍轟炸期間，憲兵同防護人員唔俾市民出入，令洞內出現高溫同嚴重缺氧，大批民眾焗死，部分人衣服被撕爛、皮膚呈現藍黑色，面目全非。

死傷者人數眾說紛紜，有講法話大約一千、數千，而1941年《國民公報》就曾經有報道話有近萬人死亡，當中有成千個係兒童，另有千幾人重傷。

原圖取自網絡。