中藥重調理、固本培元，功效比較慢，當年康熙有次病到五顏六色，食咗唔少中藥，但醫咗幾個月都無好轉，點算好？轉投功效就快得多嘅西藥懷抱。1693年，康熙患上瘧疾，睇咗一輪中醫都唔見好，後嚟法國傳教士獻上一種叫金雞納霜嘅西藥，先至藥到病除。康熙見識過西藥嘅好處之後，就命人喺宮入面設立實驗室，試製西藥，仲親自監製製藥過程。宮中實驗室整出嚟嘅藥，除咗俾皇室使用，亦會賞俾大臣，一於好嘢齊齊分。

對於順治死因，其中一種講法話係天花奪命，而康熙細細個都生過天花，所以自從佢知道種牛痘嘅方法可以預防天花之後，就先拎自己啲仔女做白老鼠，見到種牛痘嘅成效唔錯之後，康熙就下旨推廣開去，令唔少百姓免受天花之苦。

圖為康熙畫像同清朝御醫朱純嘏嘅《痘疹定論》插圖，原圖嚟自網絡。