有「電飯煲之父」稱號嘅蒙民偉喺9年前今日逝世，原本已經入土為安嘅佢，骨灰盅竟然喺上個禮拜被人發現遺棄係石梨貝水塘燒烤場，令人嘩然。蒙民偉籍貫廣州，家境富裕，曾就讀喇沙中學，之後轉去上海讀書。1949年，蒙民偉赴日留學，1953年喺香港創立信興行（信興集團前身），做日本電器代理生意，成為首個引入日本電器嘅港商。蒙民偉憑住代理樂聲牌、JVC等品牌電器發迹，當中最出名嘅係電飯煲。

60年代嗰陣，蒙民偉經常帶住電飯煲、米同臘腸，四出教人點樣煲出香氣四溢嘅臘味飯，令佢代理嘅電飯煲品牌成為港人熟悉嘅家電品牌，亦奠定咗信興集團「電器王國」嘅地位。

原圖嚟自網絡。