西服係現代人嘅主要服飾，我哋平時日日著都已經無乜感覺。但喺清朝，西服仲未推廣開去，尤其係雍正時期，著西服嘅人更加少，但雍正本人反而好捧場。

受到康熙影響，雍正自細就接觸唔少西洋物品，引起佢對西洋玩意嘅好奇。宜家流傳嘅兩幅雍正西服畫像各有特色，畫像入面嘅雍正著洋服、戴假髮，十足個洋人咁，都咪話唔前衛。唔止咁，雍正仲專登叫人整埋西洋人嘅鬍鬚，可謂係古代版cosplayer。

除咗洋服，雍正對其他西洋嘢都好有興趣，好多更用於日常生活當中，例如佢有各式各樣嘅眼鏡擺喺起居室，方便處理政務；又命人參考溫度計嘅原理，專登叫人整漢字版溫度計；親自設計、指導鼻煙壺嘅製作等，都咪話唔潮。

原圖嚟自網絡。