之前都介紹過唔少皇帝級人馬，其實做皇帝嘅都有自己style，好似清朝嘅乾隆皇帝咁，成日話自己係「十全老人」，仲親自撰寫《十全武功記》，記低自己在位期間嘅十大戰功，包括平定準噶爾、回部、緬甸、大小金川、台灣、安南同廓爾喀。呢篇《十全武功記》分別以滿、漢、蒙、藏四種文字嚟刻碑紀念，真係唔想知乾隆啲威水史都幾難。

講返呢十大武功之一嘅台灣先，1786年台灣天地會首領林爽文率領民眾反清，由彰化縣一路打到去鳳山縣，消息一傳到乾隆耳中，大為震撼，決定派出軍機大臣福康安出兵台灣。林爽文嗰邊雖然人多勢眾，但畢竟唔係經過訓練嘅軍隊，不時發生內訌。福康安利用呢個弱點，翌年就平定呢次咗起義，最後林爽文逃入苗栗，被清兵逮捕處死。宜家台南市赤崁樓外嘅九尊贔屭碑就紀念咗呢件事。

圖為當年平定台灣情景，原圖嚟自網絡。