喺香港回歸之前，8月尾嗰陣會有公眾假期，就係「重光紀念日」喇，阿史就簡單介紹吓重光紀念日嘅由來。話說第二次世界大戰尾聲，日軍喺1945年8月15日宣布無條件投降，英國海軍少將夏慤其後率領英軍，喺8月30日抵達香港，並全權接管香港，翌年港英政府就將每年8月30日定為「重光紀念日」，紀念抗日勝利，同時悼念喺香港保衛戰中犧牲嘅軍人。

1968年開始，港英政府就將重光紀念日改為每年8月最後嘅星期一同之前嘅星期六。香港回歸之後，特區政府取消咗重光紀念日假期，改為將8月第3個星期一定為抗日戰爭勝利紀念日，去到1999年亦被取消。

圖為當年夏慤上岸後同民眾見面，取自網絡。