近排關於香港國際機場嘅報道唔少，香港人都好關心機場嘅最新情況。提到赤臘角機場，佢喺1998年7月啟用，由於九龍啟德機場嘅使用量喺回歸之前已經飽和，為咗維持香港航空業嘅效益，中英雙方喺1991年簽署《中英香港新機場建設及有關問題的諒解備忘錄》，提出興建新機場計劃。不過，起一個機場並唔係一個細工程，當中牽涉唔少問題，就例如資金。

1989年，香港政治、經濟氣氛低迷，時任港督衛奕信為咗重振香港經濟，喺施政報告中提出玫瑰園計劃，即興建10項大型工程，當中就包括赤鱲角機場。呢個玫瑰園計劃預算超過2000億，喺香港引起廣泛討論，北京政府亦擔心新機場造價過高，將會耗盡港府嘅財政儲備，令回歸後嘅財政儲備太少並且要大規模舉債。

經過多次談判後，中雙方喺1991年9月簽署咗《中英香港新機場建設及有關問題的諒解備忘錄》，港英政府隨後修改咗新機場嘅建設計劃，包括將青馬大橋主塔之間嘅距離縮短以降低建築成本。英方亦承諾喺回歸後，留俾嘅特區政府嘅財政儲備會由50億提高到250億，英方仲會預留700億港元嘅土地基金。最後成個新機場工程耗資1553億，歷時約8年，成為各位目前見到嘅赤臘角機場。

原圖嚟自網絡。