阿史之前都分享唔少文學家魯迅嘅事，但要數最深刻嘅，相信都係佢篇小說《孔乙己》，事關細個讀書嘅時候就已經要讀。《孔乙己》以「咸亨酒店」作為主要場景，所有情節都係响咸亨酒店發生，而故事主人翁「我」亦都係咸亨酒店入面嘅一名夥計。雖然故事係虛構，但原來真係有咸亨酒店呢個地方㗎喎！

魯迅堂叔周仲翔於清光绪二十年（1894年），喺家鄉紹興創立咗咸亨酒店，「咸亨」呢個名取自《易經·坤卦》入面嘅「品物咸亨」，有「萬物得以皆美」嘅意思，不過之後就因為經營不善而執笠，但魯迅憑住支筆，就令《孔乙己》嘅咸亨酒店聲名大噪。1981年，即魯迅100週年誕辰，咸亨酒店喺紹興重新開張，紀念呢位著名作家、新文化運動領袖。

圖為紹興咸亨酒店，取自網絡。