唔知大家身邊有無一啲好鍾意巴士嘅朋友呢？阿史身邊就有幾個，無論新型號定舊型號，佢哋都非常著迷。喺北京，就有一位好鍾意巴士嘅巴士司機，修復咗一架舊巴士，放响北京老爺車博物館俾人參觀。

呢架巴士非常特別，係中國自主研發嘅第一代巴士，响1956年設計、1957年生產，所以又叫做「五七型」，呢款巴士直至上世紀90年代初，都仲係北京巴士嘅主要車型，可以話係見證住內地城市嘅發展。如果當年有返過內地嘅史友，或者都會有印象。

圖為五七型巴士，取自網絡。