上次講到西班牙已故獨裁者佛朗哥，喺二戰期間保持中立，令西班牙免受戰火催殘，今次就講吓佢嘅獨裁行徑！其中一個例子，就係據聞於1939年，佛朗哥獨裁政府開始有系統性地偷走一啲左翼反政府人士嘅嬰兒，包括訛稱嬰兒夭折，但實際上就將嬰兒轉交俾親政府人士領養，聲稱係為咗避免啲細路第時接受「有害」嘅道德教育。直至50年代，呢個政策就擴展至貧窮家庭、非婚生嬰兒，將佢哋交由比較富裕、保守嘅天主教家庭撫養。

 佛朗哥响1975年逝世之後，呢種竊嬰舉動仍然持續，但就轉型為非法嬰兒販運，涉及大量醫生、護士、修女同神父，拆散無數家庭，甚至有嬰兒被送到外國家庭，直至1987年通過新法規管領養行為先至結束。據報歷年被偷走嘅嬰兒就多達30萬，有唔少嬰兒嘅親生父母至今已經年事已高，尋親機會極之渺茫。

圖片為受害者展示被偽造的出生文件，取自網絡。