講開香港淪陷嘅歷史，大家又知唔知，民國才女張愛玲嘅代表作之一《傾城之戀》，就係以戰時嘅香港作為創作背景。張愛玲曾經喺作品入面咁樣描述當時嘅場景：「戰時，一個炸彈在她住處的街對面爆炸，她死裡逃生。她想到『差點炸死了，卻沒人可告訴，若有所失』」。張愛玲筆下呢座「城」，就係指日軍侵佔中嘅香港，喺小說入面，主角白流蘇同范柳原經過試探、曖昧、分別，最後喺戰亂中交付彼此真心。

講開又講，張愛玲一生曾經三次嚟香港。第一次就喺1939年，當時佢到香港大學文學院求學，由此開啟文學之路。而《傾城之戀》中，白流蘇同范柳原首次邂逅就係喺香港淺水灣酒店嘅露台。據說依家雖然淺水灣酒店已經改建，但露台原址就仍然保留，並改建為露台餐廳。此外仲特登用三組座椅嚟介紹張愛玲三次來港嘅經歷，其中就包括以子彈、舊照片等，反映當年嘅戰亂時代以及張愛玲嘅求學時期。

原圖嚟自文匯報。