踏入新一年,阿史祝各位史友心想事成,身體健康。新嘅一年,人人都想有個新開始,但原來傳統上都有幾樣禁忌新年唔可以犯,趁住呢個大時大節,阿史就同大家介紹下!
初一唔瞓晏覺?
初一唔洗頭、唔食粥、亦都唔食肉就大家都知,但原來仲有一樣嘢都唔好做,就係瞓晏覺。「禁晝寢」特別係講緊年初一,話會影響新一年嘅事業運。
初一初二唔洗衫?
呢樣就真係由細聽到大,但一直都唔知點解,原來係因為呢兩日都係水神生日,所以要畀佢休息下,唔洗衫咁話。
初三初四唔出街?
初三係赤口,即係「赤狗日」,熛怒之神赤狗相傳會為人間帶來不幸,所以唔出街就唔會撞到。至於初四就調翻轉,民間接神日,灶王爺同埋一眾家神都會番你屋企,梗係要留低迎接佢哋。
初五先倒垃圾?
由於初一到初四屋企嘅垃圾都會被為「財氣」唔倒得,而去到初五,「財氣」就會變「窮氣」,就可以一次過清走晒!
圖片嚟自網絡
評論:
共0 條評論