灣仔「猛鬼磚屋」南固臺重建荒廢大宅得以保留

嘩嘩嘩，今日就有一宗關於本地歷史建築嘅重磅消息傳出，有灣仔「猛鬼磚屋」之稱嘅南固臺早喺2022年7月就傳出將會連周邊嘅建築物進行重建工程，而規劃署今日就對於上述嘅方案表示唔反對，預計仲可以通過城規會嘅審議。

消息一傳出之後，相信唔少史友第一時間就會諗，到底呢座一級歷史建築南固臺能否保留呢？答案當然就係可以啦！喺現行嘅方案中，申請一方就會負責還原、修復並且保育南固臺，未來仲會作為非牟利用途畀公眾參觀。比起繼續荒廢，呢個絕對係一個好消息。

南固臺係由香港富商杜仲文於1917年買入地皮興建，建築物外牆以紅磚建成，整體風格融合中西元素。及後喺1921年，呢座建築就轉售畀當時擔任永安百貨副司理嘅細佬杜澤文，但喺1943年日軍侵佔香港期間，杜澤文就不幸喺大宅內去世。建築物後來就落入日軍之手，並且仲成為慰安所。直至1988年，杜氏後人先至將建築物售予合和實業，但長年荒廢亦令建築物受到好多破壞，鬼故亦都接連不斷。比起繼續荒廢，能夠復修保育絕對係一個好消息。